ახალი ამბები მთავარი პოლიტიკა საზოგადოება

“ყველა დეტალს სამინისტრო შეისწავლის” – თამარ გაბუნია 19 წლის გოგოს გარდაცვალებაზე

19 წლის თეკლა თორდიას გარდაცვალების საკითხს ჯანდაცვის სამინისტროს რეგულირების სააგენტო შეისწავლის. დევნილთა, შრომის, ჯანმრთელობისა და სოციალური დაცვის მინისტრის პირველი მოადგილე თამარ გაბუნია “კურიერთან” ინტერვიუში აცხადებს, რომ სამინისტროს პროტოკოლი თანმხლები დაავადებების შემთხვევაში ჰოსპიტალიზაციას ითვალისწინებს.

“ყველა დეტალს, რომელიც ამ შემთხვევას უკავშირდება, სამინისტრო შეისწავლის. შეისწავლის, უკავშირდება თუ არა იმას, რომ რომელიმე ეტაპზე, რაიმე სახის ჩარევა დაგვიანდა. სამინისტროს პროტოკოლი თანმხლები დაავადებების შემთხვევაში, ითვალისწინებს ჰოსპიტალიზაციას, გარდა იმ შემთხვევისა, თუ ექიმი გადაწყვეტს, რომ პაციენტის მდგომარეობა სტაბილურია და მისი მართვა მოხერხდეს კოვიდსასტუმროში იმ დაშვებით, რომ კლინიკური გამოკვლევები მას ჩაუტარდება კოვიდსასტუმროდანაც.

რამდენადაც მე მესმის, ამ შემთხვევასთან გვაქვს საქმე, რომ ექიმის შეფასებით ჩაითვალა, მდგომარეობა იყო სტაბილური და საწყის ეტაპზე პაციენტს მიეცა რეკომენდაცია კოვიდსასტუმროში მკურნალობის,”-აცხადებს დევნილთა, შრომის, ჯანმრთელობისა და სოციალური დაცვის მინისტრის პირველი მოადგილე თამარ გაბუნია.

“კურიერის” კითხვაზე – ადასტურებენ თუ არა ჯანდაცვის სამინისტროში საწოლის ნაკლებობას, თამარ გაბუნიამ განაცხადა, რომ საქმეს რეგულირების სააგენტო იძიებს და მეტ კომენტარს არ გააკეთებს.

წყარო: “კურიერი”

ავიაბილეთები იაფად
იტვირთბა....

სხვა ამბები

ჩხაიძე: ვაქცინაციის ასეთი დაბალი მაჩვენებლი ბოლო 2 თვის განმავლობაში არ ყოფილა

ხანგრძლივის პაემნის უფლება მხოლოდ ვაქცინირებულ პატიმრებს ექნებათ

საქართველოში კორონავირუსის 2 470 ახალი შემთხვევა გამოვლინდა, გარდაიცვალა 46 პაციენტი

კობახიძე: ოპოზიცია უკვე დამხობილია

ყველა ფსიქიატრმა და ფსიქოლოგმა ერთად უნდა გავაფსიქოპატოთ – რას წერს ფანჯიკიძე

giorgi chafidze

ხოშტარია: ყველას შეუძლია, 41-ის გარდა შემოხაზოს სხვა პარტია

giorgi chafidze