საგანგებო სიტუაციების სამსახურის ინფორმაციით, წყალტუბოში, საკანალიზაციო ქსელის სარეაბილიტაციო სამუშაოების დროს, მუშა მიწისა და ქვების მასაში მოჰყვა. მეხანძრე-მაშველებმა ის ნანგრევებიდან უვნებლად ამოიყვანეს.
მათივე ცნობით, გადარჩენილი მუშის ჯანმრთელობის მდგომარეობა სასწრაფო სამედიცინო დახმარების ჯგუფმა ადგილზე შეამოწმა. მუშის სამედიცინო დაწესებულებაში გადაყვანა საჭირო არ გახდა.