„ვაშინგტონის უნივერსიტეტის გათვლებით, დეკემბრის პირველი კვირა განსაკუთრებით საყურადღებო იქნება, როგორც სიკვდილიანობის, ასევე ინფიცირების ზრდის მიხედვით“, – ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა.
მისივე თქმით, IHME-ს რეკომენდაციით, საქართველომ აუცილებლად უნდა გაამკაცროს არსებული რეგულაციების აღსრულება.
„ასევე დავამატოთ და გავაფართოვოთ ე.წ. წერტილოვანი შეზღუდვები“. – განაცხადა გამყრელიძემ.
აღსანიშნავია, რომ Worldometers-ის მონაცემებით, საქართველო კორონავირუსით ინფიცირების ახალი შემთხვევებით მე-5 ადგილზეა.