“ზოგიერთმა უცხოელმა ისიც იკადრა, თქვენთან ხომ 30 წელია ყალბდება არჩევნებიაო. კი მაგრამ, 30 წელი რას ნიშნავს, აბა მე ვინ ვარ აქ, ვზივარ და სრული კრეტინი ვიყავი, რომ გადავეცი ძალაუფლება?! ამიტომ უნდა ვუმეოროთ უცხოელებსაც, რომ ასეთი შეურაცხყოფა არ მოგვაყენონ. ქართველი ერი არ არის ჩამორჩენილი ერი, რომელსაც უნდა უთხრა, “ჩვენთან არ მოსულა, მაგრამ თქვენთან მოსულა, თქვენ ხომ ველურები ხართ, თქვენ ხომ ტყეში ცხოვრობთ და თქვენთან ტომის ბელადი ყოველთვის ამას აკეთებდა”. ეს არ უნდა შევარჩინოთ არც შიდას და არც უცხოელს არავითარ შეთხვევაში, თუმცა ძირითადად ყველას უკვე ესმის რა მოხდა, მათ შორის, უცხოელებსაც.”
მიხეილ სააკაშვილი – საქართველოს ყოფილი პრეზიდენტი
ამის შესახებ მან “მთავარი არხის” ეთერში განაცხადა.
მიხეილ სააკაშვილი ამით გამოეხმაურა ამერიკის სახელმწიფო დეპარტამენტის ბრიფინგზე გაკეთებულ განცხადებას, სადაც, აღნიშნეს, რომ ეუთომ დარღვევებს შორის დააფიქსირა ხმების მოსყიდვა და ამომრჩევლის დაშინება, “რაც, სამწუხაროდ, აწუხებს საქართველოს არჩევნებს 30 წლის განმავლობაში”.