17:00 საათის მონაცემებით, საარჩევნო უბნებზე ამომრჩეველთა აქტივობამ 20.74 % შეადგინა. – ამის შესახებ ინფორმაციას ცენტრალური საარჩევნო კომისია ავრცელებს.
უწყების ინფორმაციით, ყველაზე მაღალი აქტივობა კახეთში ფიქსირდება, ხოლო ყველაზე დაბალი მაჩვენებილი დედაქალქშია.
„რეგიონების მიხედვით ყველაზე მაღალი აქტივობა კახეთშია -26,2%, ყველაზე დაბალი – დედაქალაქში – 17.5% შიდა ქართლში ფიქსირდება – 25.9%, მცხეთა-მთიანეთი – 24.7%, აჭარა – 24.1%, სამეგრელო – ზემო სვანეთი -22.7%, ქვემო ქართლი – 22.2%, იმერეთი 21.6%. რაც შეეხება მაჟორიტარულ ოლქებს – მთაწმინდაზე ამომრჩეველთა აქტივობამ 17.8% შეადგინა, ვაკეში – 17.5%, საბურთალო – 17%, ისანი – 16.9%, სამგორი – 18.3%, დიდუბე, ჩუღურეთი – 20.2%. ნაძალადევი – 16%, გლდანი – 16.6%, თელავი, ახმეტა, ყვარელი, ლაგოდეხი – 26.2%, მცხეთა, დუშეთი, თიანეთი, ყაზბეგი – 24.7%, რუსთავი, გარდაბანი – 22.2%, ხაშური, ქარელი – 25.9%, ზესტაფონი-ტყიბული, თერჯოლა, ბაღდათი – 27.4%, ქუთაისი – 16.7%, ზუგდიდი – 22.7%, ბათუმი- 19.5%, ხელვაჩაური, ქედა, შუახევი, ხულო – 31.2%“, – აღნიშნულია ცესკოს მიერ გამოქვეყნებულ მონაცემებში.
შეგახსენებთ, დღეს, 21 ნოემბერს, საპარლამენტო არჩევნების მეორე ტური იმართება, რომელსაც ყველა ოპოზიციურმა პარტიამ ბოიკოტი გამოუცხადა. ცნობისთვის, კენჭისყრა ქვეყნის მასშტაბით 17 საარჩევნო ოლქში იმართება.