თბილისში აშშ-ის სახელმწიფო მდივანს, მაიკ პომპეოს საპროტესტო აქციით ხვდებიან. მდუმარე აქცია უკვე დაიწყო და აქციის მონაწილეები ფილარმონიიდან რუსთაველის გამზირისკენ მიემართებიან. ამის შესახებ ინფორმაციას “მეტრონომის” რეპორტიორი ადგილიდან გვაწვდის.
სტიკერები, რომელზეც რუსეთის პრეზიდენტი ვლადიმერ პუტინი და პარტია “ქართული ოცნების” თავმჯდომარე, ბიძინა ივანიშვილი არიან გამოსახულნი, რუსთაველის გამზირიდან ფილარმონიამდეა დაკრული. აქციის მონაწილეების თქმით, მაიკ პომპეომ უნდა გაიგოს, რომ “ივანიშვილმა არჩევნები მიიტაცა.”
