ქარიშხალი იოტა ნიკარაგუას უტევს.
აშშ-ის ქარიშხლის ცენტრის განცხადებით (NHC), შტორმმა სანაპირო ხაზი ორშაბათს, 16 ნოემბერს, საღამოს გადაკვეთა.
როგორც BBC წერს, ქარიშხალი ზღვაზე გაძლიერდა და მეხუთე კატეგორიის გახდა (260კმ/სთ).
მედიასაშუალების ცნობით, იოტა წლის უძლიერესი ატლანტიკური ქარიშხალია, ამასთანავე, 1932 წლის შემდეგ, ნოემბრის მეორე ქარიშხალია, რომელსაც მე-5 კატეგორია მიენიჭა.
ბუნებრივი კატასტროფის გამო, ჰონდურასში, ნიკარაგუასა და გვატემალაში მდინარესთან და ატლანტიკის სანაპიროსთან ახლოს მცხოვრები მოსახლეობის ევაკუაცია დაიწყეს.