თბილისში, თამარაშვილის ქუჩაზე, საცხოვრებელ კორპუსში ხანძარი გაჩნდა. მაშველებმა საცხოვრებელ ბინაში ერთი ადამიანის ცხედარი იპოვეს.
როგორც საგანგებო სიტუაციების მართვის სამსახურში აცხადებენ, ადგილზე 4 სახანძრო-სამაშველო ბრიგადა მუშაობს.
ხანძარი კორპუსის მეხუთე სართულზე გაჩნდა. ადგილობრივების ინფორმაციით, გაიგეს აფეთქების ხმაც.
ხანძარი ამ დროისთვის ლოკალიზებულია.