“მიუხედავად ჩემი უდიდესი პატივისცემისა ამ ორი ფეხბურთელის მიმართ, მაინც ვიტყვი რო კვარაცხელიათი და შენგელიათი არ შემოიფარგლება ეროვნული ნაკრები და ხალხს ვთხოვ მოვრჩეთ ამ თემას.”
ლადო ბურდული – ეროვნული ნაკრების ვეტერანი ფეხბურთელი
სოციალურ ქსელი
ლადო ბურდული გულშემატკივრებს მოუწოდებს ხვალინდელი თამაშისთვის ფეხბურთელებს დადებითი აურა გადასცენ, რადგან ხვალინდელი მატჩით საფეხბურთო ისტორია გადაიწერება.
შეგახსენებთ, ჩრდილოეთ მაკედონიასთან ხვალინდელი მატჩის წინ საქართველოს ნაკრების ორი ფეხბურთელი – ლევან შენგელია და ხვიჩა კვარაცხელია კორონავირუსით დაინფიცირდა.
შეგახსენებთ, 12 ნოემბერს საქართველოს საფეხბურთო ნაკრები თბილისში უეფა-ს ერთა ლიგის ფინალში ჩრდილოეთ მაკედონიას დაუპირისპირდება. დაპირისპირება ერთრაუნდიანია და დინამო არენაზე გამარჯვებული 2021 წლის ევროპის ჩემპიონატის საგზურს მოიპოვებს. მატჩი 21:00 საათზე იწყება და მინიმუმ 22:45 საათამდე გაგრძელდება.