“ნაციონალური მოძრაობა” – გაერთიანებული ოპოზიცია პარლამენტში შესვლაზე უარს ამბობს” – მელია

„ნაციონალური მოძრაობა” – გაერთიანებული ოპოზიცია პარლამენტში შესვლაზე უარს ამბობს” – ამის შესახებ ნიკა მელიამ განაცხადა. „ნაციონალური მოძრაობა” – „ძალა ერთობაშია – გაერთიანებული ოპოზიცია, ასევე ვადამდელი საპარლამენტო არჩევნებს ითხოვს.

„ჩვენ, „ნაციონალური მოძრაობა” – „ძალა ერთობაშია – გაერთიანებული ოპოზიციას”, გვაქვს მიღებული გადაწყვეტილება მსგავსად სხვა ოპოზიციური პარტიებისა, რომ არ შევალთ იქ, სადაც არაფერია საერთო პოლიტიკასთან. ანუ პარლამენტში, რომელსაც მხოლოდ ბიძინა ივანიშვილი ეძახის პარლამენტს.ეს არაა ხალხო პარლამენტი და შესაბამისად იქ არავის არაფერი გვესაქმება.

არ შევალთ პარლამენტში და ჩვენი მოთხოვნა უცვლელია- ჩატარდეს არჩევნები ახლიდან . ჩვენ არ ვიღებთ ივანიშვილის თამაშის წესებს. კვირას 3 საათზე ვიკრიბებით რუსთაველზის გამზირზე” – განაცხადა მელიამ.