საქართელოში კორონავირუსის 1 791 ახალი შემთხვევა გამოვლინდა, აქედან 532 თბილისში, 369 – აჭარაში, ხოლო 392 – იმერეთში დადასტურდა. – ამის შესახებ მთავრობის ადმინისტრაციის უფროსმა, ნათია მეზვირიშვილმა დღევანდელ ბრიფინგზე განაცხადა.
მისივე განცხადებით, ბოლო 24 საათში თბილისში 10 ადამიანი გარდაიცვალა, აჭარაში – 7, იმერეთში – 7, შიდა ქართლში – 2, ქვემო ქართლში – 1, ხოლო სამეგრელო-ზემო სვანეთში – 1.
ამასთან, როგორც მთავრობის ადმინისტრაციის უფროსი იუწყება, ამ ეტაპზე, აქტიური ინფიცირებული შემთხვევა არის 15 262. 4 188 ადამიანი მკურნალობს საავადმყოფოში, მათ შორის, თბილისის საავადმყოფოებში – 2 046, აჭარაში – 696. მძიმე პაციენტი – 503, თბილისში – 228, აჭარაში – 83.
აქედან, ხელოვნური სუნთქვის აპარატზე არის 223 პირი თბილისში – 96, აჭარაში – 77. 2 204 პირი არის კოვიდ-სასტუმროში, მათ შორის, 1 068 – აჭარაში, ხოლო 826 – თბილისში. 8 870 მკურნალობს ბინაზე.
საკარანტინე სივრცეში იმყოფება 3 007 ადამიანი, თბილისში – 569, აჭარაში-1 430.
სულ 6-31 ოქტომბრის პერიოდში, საზღვრიდან გადაყვანილია – 10 748 ადამიანი.
დღეის მდგომარეობით, თვითიზოლაციაში იმყოფება 29565 პირი, საიდანაც თბილისში არის 3 018 ადამიანი, აჭარაში – 12 748, იმერეთში – 3 927.
ცნობისთვის, პირველი ნოემბრის მონაცემებით, საქართველოში კორონავირუსის 40 727 შემთხვევაა დადასტურებული, მათგან 25 104 პაციენტი გამოჯანმრთელდა, 35 კი გარდაიცვალა. სულ ქვეყანაში 15 262 აქტიური შემთხვევაა, 31 ოქტომბერს ეს რიცხვი 15 912 იყო.