ბათუმში “ნაციონალური მოძრაობის” და “ქართული ოცნების” ორი აქტივისტი დააკავეს. – ამის შესახებ ინფორმაციას შინაგან საქმეთა სამინისტრო ავრცელებს.
აღნიშნული დაკავება ბათუმის 21-ე საარჩევნო უბანზე “ნაცმოძრაობის” და “ოცნების” აქტივისტების ფიზიკურ დაპირისპირებას მოჰყვა.
თვითმხილველების თქმით კი , 21-ე საარჩევნო უბანთან „ქართული ოცნების” მხარდამჭერები მიკროავტობუსებში ისხდნენ და უბანზე მისული მოქალაქეების სიებს ადგენდნენ.
აღნიშნული ფაქტი „ერთიანი ნაციონალური მოძრაობის” აქტივისტმა ტელეფონით დააფიქსირა, რაზეც სიტყვიერი და მცირე ფიზიკური დაპირისპირება მოხდა.