aviabiletebi
ახალი ამბები მთავარი პოლიტიკა საზოგადოება

ცესკო თვითიზოლაციაში მყოფ ამომრჩევლებს მიმართავს და განცხადებას ავრცელებს

aviabiletebi
ავიაბილეთები

ცენტრალური საარჩევნო კომისია კიდევ ერთხელ მიმართავს თვითიზოლაციაში მყოფ ამომრჩევლებს. როგორს მათ მიერ გავრცელებულ განცხადებაშია ნათქვამი, ამომრჩევებმა უნდა იაქტიურონ, დარეკონ ცესკოს სატელეფონო-საინფორმაციო ცენტრში და გადასატანი საარჩევნო ყუთით მომსახურება მოითხოვონ.

„დღეს, 27 ოქტომბრის 14:00 საათამდე დარეკეთ ტელეფონის ნომერზე 2-51-00-51 (0) და მოითხოვეთ გადასატანი საარჩევნო ყუთი. ზარების მიღება ამ წუთებშიც გრძელდება.

შეგახსენებთ, რომ ცესკომ 26 ოქტომბერს გამართულ სხდომაზე მიიღო გადაწყვეტილება თვითიზოლაციაში მყოფი ამომრჩევლებისთვის გადასატანი ყუთის მოთხოვნის ვადის გახანგრძლივების შესახებ. გადაწყვეტილების თანახმად, აღნიშნული კატეგორიის მოქალაქეებს შესაძლებლობა მიეცათ 27 ოქტომბრის 14:00 საათამდე დააფიქსირონ თავიანთი მოთხოვნა. გადასატანი საარჩევნო ყუთით სარგებლობას შეძლებენ თვითიზოლაციაში მყოფი ის ამომრჩევლები, რომელთა მონაცემებიც ოფიციალურად ფიქსირდება შესაბამისი უწყების მონაცემთა ბაზაში.

ამავე სხდომაზე  გადაწყდა, რომ 27 ოქტომბრის 18:00 საათამდე გახანგრძლივებულიყო მომართვის ვადა სპეციალურ საარჩევნო უბნებზე საარჩევნო პროცესში ჩართვის მიზნით დასარეგისტრირებლად როგორც საარჩევნო სუბიექტებისთვის, ისე ადგილობრივი და საერთაშორისო სადამკვირვებლო ორგანიზაციებისა და მედიასაშუალებებისთვის.

საარჩევნო ადმინისტრაცია მიმართავს როგორც თვითიზოლაციაში მყოფ ამომრჩევლებს, ისე არჩევნებში ჩართულ მხარეებს, დროულად მოგვმართონ და გაიარონ შესაბამისი პროცედურები“- აღნიშნულია განცხადებაში.

ცნობისათვის, საპარლამენტო არჩევნებ 31 ოქტომბერს გაიმართება.

იტვირთბა....