„გამოიგონეს ახალი პრეპარატი, რომელმაც რევოლუციური გარღვევა მოახდინა C ჰეპატიტის მკურნალობაში. ეს არის სოფოსბუვირი, რომელიც იძლეოდა სხვადასხვა გენოტიპის ვირუსის განკურნებას 60-დან 90%-მდე შემთხვევებში. თუ ასეთი პრეპარატია, მაშასადამე ყველას შეგვიძლია ვუმკურნალოთ და მოხდეს ელიმინაცია ანუ აღმოფხვრა. ეს იდეა ბევრმა აიტაცა, მათ შორის ამერიკელებმა და მოგვიწყვეს სპეციალურ შეხვედრა ლონდონში, ღვიძლის დაავადებების ევროპულ კონგრესზე – ჩვენი და ამერიკის დაავადებათა კონტროლის ცენტრის დელეგაციებისა და კომპანია გილიედის ხელმძღვანელობის შეხვედრა.”
თენგიზ ცერცვაძე – ინფექციური პათოლოგიის, შიდსისა და კლინიკური იმუნოლოგიის სამეცნიერო-პროფილაქტიკური ცენტრის გენრალური დირექტორი.