დღეს, 5 სექტემბერს, 2020 წლის მასწავლებლის ეროვნული ჯილდოს მფლობელი გამოვლინდება.
გამარჯვებულს ფულადი პრიზის სახით, გუდავაძე-პატარკაციშვილის ფონდისგან, 10 000 ლარი გადაეცემა.
ფინალისტები არიან:
- სოფიო გოგოხია — აფხაზეთის N10 საჯარო სკოლის სახვითი და გამოყენებითი ხელოვნების და ქართული ენისა და ლიტერატურის მასწავლებელი;
- მარინე ვართუმაშვილი — ქალაქ გორის N12 საჯარო სკოლის გეოგრაფიის მასწავლებელი;
- ანა კინწურაშვილი — თბილისის კერძო სკოლა ქორალის მათემატიკის მასწავლებელი;
- თეონა შერაზადიშვილი — ონის მუნიციპალიტეტის სოფელ ღარის და სიმონ სხირტლაძის სახელობის ქალაქ ონის საჯარო სკოლის ქართული ენისა და ლიტერატურის მასწავლებელი;
- ელზა ხარშილაძე — საჩხერის მუნიციპალიტეტის სოფელ ნიგვზარის საჯარო სკოლის ფიზიკის მასწავლებელი.
აღსანიშნავია, რომ გამარჯვებული მასწავლებლის საერთაშორისო დღეს, 20:00 საათზე დასახელდება.