განათლების მინისტრის მოადგილის, ეკატერინე დგებუაძის განცხადებით, სამინისტრომ კონსულტაცია გაიარა ოფთალმოლოგებთან, რათა განესაზღვრა ონლაინგაკვეთილების ხანგრძლივობა.
როგორც მან Euronews Georgia-ს ეთერში განმარტა, სამედიცინო უნივერსიტეტის პროფესორებისა და სხვა ექიმების რეკომენდაცია იყო, რომ კომპიუტერთან ყოფნის პერიოდი ყოფილიყო სწორად განსაზღვრული.
„ექიმები გვირჩევენ, რომ არა მხოლოდ შემცირებული ყოფილიყო კომპიუტერთან ყოფნის პერიოდი, არამედ სწორად განსაზღვრული“, – განაცხადა ეკატერინე დგებუაძემ.