„იაკობს დასამალი არაფერი აქვს. მას კონკრეტული პირების იდენტიფიცირება ნამდვილად არ შეუძლია, მან იცის უბრალოდ, ოდენობა ადამიანების.”
ირმა ჭკადუა – გიორგი შაქარაშვილის საქმის ოქროს მოწმის, იაკობ ბრეგვაძის ადვოკატი.
ცნობისათვის, დღეს მცხეთის რაიონულ სასამართლოში ფოტოგრაფ იაკობ ბრეგვაძეს დაკითხავენ.
შეგახსენებთ, გუშინ შაქარაშვილის განზრახ მკვლელობაში 5 ბრალდებულის სასამართლო პროცესი გადაიდო. მიზეზი ბრალდებულების მხრიდან პროცესის დატოვება გახდა. ბრალდებულების პროტესტი მოსამართლის გადაწყვეტილებამ გამოიწვია, კერძოდ კი დაცვის მხარის დასაკითხთა სიიდან მოწმეების ამორიცხვამ და გარკვეული მტკიცებებულებების დაუშვებლად ცნობამ.