შუახნის კაცი, რომელსაც ზუგდიდში, თავის არეში, სავარაუდოდ, თხილის სატეხით დაზიანება მიაყენეს, გუშინ 11 სექტემბერს გარდაიცვალა.
ცნობისათვის, ინციდენტი 9 სექტემბერს ერთ-ერთ თხილის ჩასაბარებელ პუნქტთან მოხდა. შინაგან საქმეთა სამინისტრის ინფორმაციით, მომხდარზე გამოძიება, სისხლის სამართლის კოდექსის 117-ე მუხლის მე-5 ნაწილის “ე” ქვეპუნქტით გრძელდება, რაც ჯგუფურად ჩადენილ ჯანმრთელობის განზრახ მძიმე დაზიანებას გულისხმობს.
ბრალის დამტკიცების შემთხვევაში დაკავებულებს 7-დან 10 წლამდე ვადით თავისუფლების აღკვეთას ემუქრებათ.