ახალი ამბები მთავარი პოლიტიკა ჩვენი სტატიები

“თუ იქნება შემოთავაზება, დავთანხმდები”: გია აბაშიძე “მეტრონომთან” “ოცნების” სიაზე საუბრობს

სოციალურ ქსელში არ წყდება საუბრები “ქართულ ოცნებასთან” დაახლოებული ანალიტიკოსის, გია აბაშიძის სიაში ყოფნა-არყოფნასთან დაკავშირებით. “მეტრონომი” მას დაუკავშირდა და ჰკითხა, არის, ან აღმოჩნდება თუ არა ის საბოლოოდ სიაში.

აბაშიძის თქმით, პარტიის დაფუძნების დღიდან ის “ოცნების” დეკლარირებული მხარდამჭერია და ნებისმიერ დროს მზადაა დათანხმდეს მმართველი პარტიის მხრიდან შემოთავაზებას.

“შემოთავაზება ჯერ არ ყოფილა. ისე, საქმიანი კომუნიკაცია მუდმივად მაქვს მმართველი პარტიის წარმომადგენლებთან. არაფერი ვიცი. თუ იქნება შემოთავაზება, დავთანხმდები. ამჟამად ვაგრძელებ “იმედთან” თანამშრომლობას. რომელ ფლანგზეც მიიჩნევს “ქართული ოცნება” რომ დავეხმარო, მზად ვარ. მე ამ პარტიის დეკლარირებული მხარდაჭერი ვარ დაფუძნების დღიდან” – უთხრა “მეტრონომს” გია აბაშიძემ.

შეგახსენებთ, სიის პირველ ოცეულში, რომელიც მმართველმა პარტიამ წარადგინა ანალიტიკოსი გია აბაშიძე არ არის. ვრცელდება ინფორმაცია, რომ ის შესაძლო სიის მეორე ოცეულში ვიხილოთ.

ჯიმშერ შხვაცაბაია

ავიაბილეთები იაფად
იტვირთბა....