ფოთში, მდინარე რიონში არასრულწლოვანი დაიხრჩო. თვითმხილველთა განცხადებით, ბიჭი საცურაოდ წყალში შევიდა, რის შემდეგ ის დინებამ გაიტაცა.
შინაგან საქმეთა სამინისტრომ გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს. მდინარე რიონთან, შემთხვევის ადგილზე სამართალდამცველები და სამაშველო სამსახური არის მობილიზებული.
საგანგებო სიტუაციების სამსახურის ინფორმაციით, შემთხვევის ადგილას მობილიზებულია სამი მყვინთავი, 1 ნავი, 2 სკუტერი და 2 კატერი. აქედან ერთი აღჭურვილია წყალზე საძიებო სკანერი “ექოლოტით”. ადგილზე ასევე იმყოფება სამაშველო ჯგუფი საფრენი დრონით.