რა უნდა იცოდეს მორწმუნემ ფერისცვალების დღესასწაულის შესახებ

19 აგვისტოს, ფერისცვალების დღესასწაულზე ეკლესიაში დამკვიდრდა ტრადიცია, წირვის შემდგომ ყველანაირი ხილის კურთხევის, რაც სიმბოლურად იმას ნიშნავს, რომ კურთხევით განიწმინდება ადამის ცოდვით შებილწული ხილი და იმ სიწმინდეს იბრუნებს, რომლითაც ედემის ბაღში იყო მოსილი.

ფერისცვალება 12 უდიდეს დღესასწაულთა რიცხვში შედის და უფალი იესო ქრისტეს ამქვეყნიური ცხოვრების ერთ-ერთ ეპიზოდს უკავშირდება.

მა­ცხო­ვარ­მა სამი მო­წა­ფე, პეტ­რე, ია­კო­ბი და იო­ა­ნე თაბორის მთაზე წაიყვანა და მათ წინაშე ფერი იცვალა. ფე­რის­ცვა­ლე­ბი­სას იე­სოს­გან ისე­თი ნა­თე­ლი გა­მო­დი­ო­და, რომ მო­ცი­ქუ­ლებ­მა თვა­ლი ვერ გაუსწორეს და პირქვე დაემხნენ. მო­ცი­ქუ­ლებ­მა და­ი­ნა­ხეს, რომ უფალს მარ­ჯვნივ და მარ­ცხნივ მოსე და ელია წინასწარმეტყველები ედგნენ,ზეციდან კი მა­მის ხმა მო­ის­მა: „ესე არს ძე ჩემი საყ­ვა­რე­ლი, რო­მე­ლი მე სათნო ვიყავ; მაგისი ისმინეთ!“​ – ამის შემ­დეგ მა­ცხო­ვარ­მა კვლავ ად­რინ­დე­ლი სახე მი­ი­ღო და მოციქულებს უბრძანა, მომ­ხდა­რის შე­სა­ხებ მის აღ­დგო­მამ­დე არა­ვის­თვის ეთ­ქვათ.

იესომ ფერისცვალება იმისთვის ინება, რომ ცხადად ეჩვენებინა მოციქულთათვის და ყველა მორწმუნისათვის საიდუმლო მომავალი ცხოვრებისა, მდგომარეობა გამართლებული ადამიანისა – ჩვენი ცხონება სულიერ ფერისცვალებასა და გაბრწყინებაში მდგომარეობს.