ახალი ამბები მთავარი საზოგადოება

ჯაბა სამუშია რუსთაველის ეროვნული სამეცნიერო ფონდის დირექტორად დაინიშნა

ჯაბა სამუშია საქართველოს განათლების, მეცნიერების, კულტურისა და სპორტის სამინისტროს სსიპ შოთა რუსთაველის საქართველოს ეროვნული სამეცნიერო ფონდის გენერალური დირექტორად დაინიშნა.

როგორც ფონდის მიერ გავრცელებულ ინფორმაციაშია აღნიშნული, ჯაბა სამუშია არის ისტორიის მეცნიერებათა აკადემიური დოქტორი, ივანე ჯავახიშვილის სახელობის თბილისის სახელმწიფო უნივერსიტეტის სრული პროფესორი; ჟურნალ “ისტორიანის” მთავარი რედაქტორი; ქ. ტორუნის (პოლონეთის რესპუბლიკა) აღმოსავლეთმცოდნეობის ინსტიტუტის (Institutum Orientalium) ჟურნალის – „Studia Orientalne” სამეცნიერო საბჭოს წევრი. ვარშავის უნივერსიტეტის (The University of Warsaw) უმაღლესი ჯილდოს – საუნივერსიტეტო მედლის მფლობელი. არის 200 -ზე მეტი სამეცნიერო ნაშრომის, მათ შორის, 25 წიგნის, სასკოლო სახელმძღვანელოებისა და სალექციო კურსების ავტორი. 2018 წლიდან დღემდე იყო რუსთაველის ეროვნული სამეცნიერო ფონდის გენერალური დირექტორის მოადგილე.

ცნობისთვის, სამუშია 2010-2014 წლებში იყო თბილისის საკრებულოს თავმჯდომარის მოადგილე, ფრაქცია „ქართული ოცნება – დემოკრატიული საქართველოსთვის“.

ავიაბილეთები იაფად
იტვირთბა....