ახალი ამბები მთავარი პოლიტიკა

“მაჟორიტარობის დაანონსებიდან რამდენიმე საათში ჩემს ანგარიშებს ყადაღა დაადეს” – ჯაფარიძე

“გირჩის” ლიდერის, ზურაბ ჯაფარიძის განცხადებით, მის ანგარიშებს ყადაღა დაადეს.

როგორც ჯაფარიძე “ფორმულასთან” საუბრისას აღნიშნავს, ყადაღის დადება შემთხვევითობა არაა და ეს დიდუბე-ჩუღურეთში მის მაჟორიტარობის კანდიდატობას უკავშირდება.

“15 წუთის წინ მომივიდა სმს-ები ჯერ თი ბი სი ბანკიდან და შემდეგ საქართველოს ბანკიდან, რომ ანგარიშებზე ყადაღა დამედო. საუბარია 2 140 ლარზე, რაც სავარაუდოდ, არის ერთ-ერთი 2 000-ლარიანი ჯარიმა, რომელიც გამოწერილი მქონდა და აქამდე აღსრულებაზე იყო გაშვებული. ჯამში 10 000-ლარამდე ჯარიმა მაქვს დაკავებების გამო და აქამდე აღსრულება არ ხდებოდა. არ მჯერა, რომ ეს დამთხვევაა და მაინც და მაინც დღეს დილით, როდესაც დავწერე, რომ დიდუბე-ჩუღურეთში ვაპირებდი მაჟორიტარ კანდიდატად დადგომას შემთხვევით დაემთხვა. აქამდე არ გახსენებიათ და რაღა დღეს გაახსენდათ, ზოგი თვეების, ზოგი წლების წინანდელია”, – აცხადებს ჯაფარიძე.

ცნობისთვის, პარტია „გირჩის“ ლიდერი ზურაბ ჯაფარიძე დიდუბე-ჩუღურეთის მაჟორიტარობის კანდიდატად იყრის კენჭს. ამის შესახებ ინფორმაციას ჯაფარიძე საკუთარ „ფეისბუქ“ გვერდზე ავრცელებს.

ავიაბილეთები იაფად
იტვირთბა....