“ირაკლი ჩიქოვანი არის უაღრესად განათლებული, წესიერი ადამიანი, თავისი კუთხის, ტრადიციის მოყვარული. ნამდვილი ქართველი, ძლიერი ადამიანია პიროვნულად, მერე პროფესიონალია. სამეგრელოსაც უნდა თავის წარმომადგენელი ჰყავდეს ისეთი, რომელიც არა მხოლოდ მათ ყოვლდღიურ პრობლემებს გაითავისებს, არამედ, რომელსაც საერთაშორისო დონეზე მუშაობის გამოცდილება აქვს. ირაკლისთან გიგი უგულავა, გინდ სხვა, ვერ მოვა. ვერც მისი მონაცემებით და ვერც მისი დამოკიდებულებით ქვეყნის მიმართ.”
გია ვოლსკი – პარლამენტის ვიცე-სპიკერი
ამის შესახებ ვოლსკიმ გადაცემაში “360 გრადუსი” განაცხადა.
მისი შეფასებით, „ქართული ოცნების“ მიერ ზუგდიდში მაჟორიტარობის კანდიდატად წარდგენილ ირაკლი ჩიქოვანს „ევროპული საქართველოს“ ერთ-ერთ ლიდერი, გიგი უგულავა ან სხვა ოპოზიციონერი ვერც მონაცემებით და ვერც ქვეყნის მიმართ დამოკიდებულებით ვერ შეედრება.