იუსტიციის უმაღლესი საბჭოს არამოსამართლე წევრი ნაზი ჯანეზაშვილი აცხადებს, რომ მოსამართლე ვასილ მშვენიერაძემ და ქუთაისის სააპელაციო სასამართლოს თავმჯდომარე დიმიტრი გვრიტიშვილმა ადგილები გაცვალეს. მისი თქმით, მშვიერაძე ქუთაისის სააპელაციო სასამართლოშ იმიტომ გადავიდა, რომ “მისი ცოლი დისერტაციაზე მუშაობს და რეგიონებში კვლევას ატარებს.” ამის შესახებ ჯანეზაშვილი სოციალურ ქსელში წერს.
“მოსამართლე ვასილ მშვენიერაძის ერთ-ერთი არგუმენტი იმის შესახებ, თუ რატომ უნდიდა თბილისიდან ქუთაისის სააპელაციო სასამართლოში გადასვლა იცით რა იყო?
ჩემი ცოლი დისერტაციაზე მუშაობს და რეგიონებში კვლევას ატარებსო. მართლმსაჯულების ინტერესი კი არა, ცოლის დისერტაციაო.
ასეთი ამბავი მოხდა წინა კვირას. იუსტიციის საბჭოს გადაწყვეტილებით ორმა მოსამართლემ ადგილები გაცვალეს:
ქუთაისის სააპელაციო სასამართლოს თავმჯდომარე გვრიტიშვილი თბილისის სააპელაციოში გადმოიყვანეს; ხოლო ვასილ მშვენიერაძე ქუთაისის სააპელაციო სასამართლოში გადაიყვანეს თბილისის სააპელაციოდან, სადაც მალე ალბათ თავმჯდომარედაც დაინიშნება. ეს ვასილ მშვენიერაძე ან ძალიან მაგრად ასრულებს კლანის მითითებებს, ან ვერ ივარგა და ამიტომ დაატარებენ სხვადასხვა სასამართლოებში. უკვე მოიარა მცხეთა, თბილისის საქალაქო, თბილისის სააპელაციო და ახლა ქუთაისს მიემგზავრება, თან სულ მაღალ თაბამდებობებზე” – წერს ჯანეზაშვილი.