ავღანეთში, ლოგარის პროვინციაში აფეთქება მოხდა, რასაც 17 ადამიანის სიცოცხლე ემსხვერპლა. ლოგარის გუბერნატორის სპიკერის განცხადებით, მანქანა თვითმკვლელმა თავდამსხმელმა, დედარ ლავანგმა ააფეთქა.
აფეთქება ისლამური დღესასწაულის ყურბან-ბაირამი წინა ღამით გუბერნატორის ოფისის მახლობლად მოხდა. თალიბანი თავდასხმასთან კავშირს უარყოფს. ე.წ ისლამურ სახელმწიფოს ჯერ განცხადება არ გაუვრცელებია.
ყურბან-ბაირამი 31 ივლისს იწყება. დღესასწაულის გამო თალიბანის დაჯგუფების წარმომადგენლებმა განაცხადეს, რომ 3 დღის განმავლობაში ისინი თავდასხმებს შეწყვეტენ. გადაწყვეტილებას მიესალმება ავღანეთის მთავრობა.