“რაც მოხდა განყოფილებაში, ეს მართლაც არ იყო მარტო მარიანა ჩოლოიანი” – ლუკა სირაძის ძმა

“რაც მოხდა განყოფილებაში, ეს მართლაც არ იყო მარტო მარიანა ჩოლოიანი. იქ იყვნენ მამუკა სირაძე, ასევე მამასახლისი, ანუ პოლიციის განყოფილების უფროსის მოადგილე, რომელმაც ცალკე გაიყვანა, რამინ ებანოიძე. რამდენიმე პირი იყო, რომლებიც დედაჩემმა დაასახელა და ამოიცნო. უფრო მეტად ბრალი გამოიკვეთა მარიანა ჩოლოიანის და მოწმეებიც ადასტურებენ და ამიტომ აქვს ბრალი მას წარდგენილი. დანარჩენების საქმე გენერალურ ინსპექციას გადაეცა, რომ უნდა დაეწყოთ მათ დისციპლინარული დევნა.

მე არ შემიძლია უსამართლო ვუწოდო პროცესს, რადგან არ ვიცი რამდენი დრო შეიძლება გამოძიებას ამისთვის. ამიტომ ასე ხელაღებით ვერ ვიტყვი, რომ ვიღაცა დროს წელავს. თუმცა ფაქტია, რომ დროში გაიწელა. სასჯელებს რაც შეეხება, ჩვენი ოჯახის პოზიციაა, რომ ეს ადამიანები სისხლის სამართლებრივი პასუხისმგებლობით დაისაჯონ, თუმცა ჯერჯერობით გამოძიებიდან გამომდინარე არ არის საკმარისი მტკიცებულებები იმისათვის, რომ ამ ადამიანებს წაუყენონ სისხლის სამართლის წესით ბრალი” – განაცხადა ბექა სირაძემ.