ახალი ამბები მთავარი სამართალი

“სცემეს და გადააგდეს წყალში, დამთავრდა” – გიორგი ყიფშიძე

ფეხბურთელ გიორგი შაქარაშვილის საქმეზე დაკავებული ძიუდოისტის, გიგა ტატიაშვილის ადვოკატის, გიორგი ყიფშიძის განცხადებით, პროკურატურის მიერ გამოქვეყნებული ექსპერტიზის დასკვნა ნაცემ მდგომარეობაში შაქარაშვილის წყალში გადაგდებას არ გამორიცხავს. ამის შესახებ ყიფშიძემ “ინტერპრესნიუსთან” საუბრისას განაცხადა.

„ფაქტია, რომ სიკვდილი ასფიქსიამ გამოიწვია, მაგრამ კითხვა ისმის, რატომ არის ამდენი დაზიანება? როგორ აღმოჩნდა ბავშვი წყალში? ალბათ, თადარიგი დაიჭირა პროკურატურამ და მოვლენებს დაასწრო და დააყენა ეს ბრალი. შუაში იმხელა წყვეტაა კონტაქტის პირველივე წუთიდან დაღუპვამდე, ამაზე მსჯელობა ცოტა რთულია. ამ დასკვნით ასეთი სურათი გვიჩნდება, ადამიანი ერთ-ერთი ვერსიით ნაცემი იყო, არ გამოვრიცხავ, რომ გონებადაკარგული იყო და შესაძლოა, ის წყალში უძლურ მდგომარეობაში გადააგდეს. აქედან გამომდინარე შესაძლებელია, სრული სიკვდილი ასფიქსიით დადგა. ეს დასკვნა წყალში გადაგდებას არ გამორიცხავს კი არა, ამ დასკვნას ზოგადად აქით მივყავართ, თუკი, მტკიცებულებები არ დაემატა და მიმართულება არ შეიცვალა.

ყიფშიძის შეფასებით, აღნიშნული ექსპერტიზის დასკვნა მთლიან სურათს არ გვაძლევს, ამ მიმართულებით კი განსაკუთრებით მნიშვნელოვანია გენეტიკური ექსპერტიზის შედეგები.

“უამრავი ბიოლგიური მასალაა გაგზავნილი, განსაკუთრებულ მნიშვნელობას გენეტიკურ ექსპერტიზას ვანიჭებ. მიმაჩნია, რომ ჩანთა ამ საქმეში ძალიან მნიშვნელოვანი ეტაპია. 109-ე მუხლი გენეტიკური დასკვნის მოლოდინისთვის მზადებაა. თუკი, ამ საქმეში რომელიმე მონაწილის ნაწილაკები ამ ჩანთაზე აღმოჩნდა, 109-ე მუხლს გზა გახსნილი აქვს გამამატყუნებელი განაჩენისთვის. ამ მუხლით ჩვენ პროკურატურა ცალსახად გვეუბნება, რომ ეს ადამიანი ცემეს და მკვლელობის მიზნით წყალში გადააგდეს, დასრულდა, სხვანაირად 109-ე მუხლი სხვანაირად ვერ აიხსნება. სცემეს და გადააგდეს წყალში, დამთავრდა!“, – აცხადებს ყიფშიძე.

შეგახსენებთ, რომსაქართველოს პროკურატურა ექსპერტიზის დასკვნას ავრცელებს , რომელიც გიორგი შაქარაშვილის სიკვდილის მიზეზს ადგენს. დასკვნის თანახმად, გიორგი შაქარაშვილის სიკვდილის მიზეზია ასფიქსია წყალში დახრჩობით.საქართველოს გენერალური პროკურატურის ინფორმაციით, სასამართლო-სამედიცინო ექსპერტიზის დასკვნისა და საქმეში არსებული სხვა მტკიცებულებების ერთობლივი ანალიზის საფუძველზე, პროკურატურამ მიიღო გადაწყვეტილება გიორგი შაქარაშვილის გარდაცვალების საქმეზე კვალიფიკაციის დაზუსტების შესახებ.

უწყების ცნობით, კერძოდ, სისხლის სამართლის საქმის უკვე არსებულ კვალიფიკაციას დაემატა დამამძიმებელ გარემოებებში ჯგუფურად განხორციელებული განზრახ მკვლელობა, დანაშაული გათვალისწინებული საქართველოს სისხლის სამართლის კოდექსის 109-ე მუხლის მე-2 ნაწილის „ე“ ქვეპუნქტით და გამოძიება გიორგი შაქარაშვილის გარდაცვალების ნაწილში წარიმართება აღნიშნული კვალიფიკაციით.

ავიაბილეთები იაფად
იტვირთბა....