19 წლის გარდაცვლილი ფეხბურთელის ბიძის განცხადებით, გიორგი შაქარაშვილის ოჯახის წევრებს სასწრაფო სამედიცინო დახმარება ყოველდღე სჭირდებათ. ამის შესახებ მირიან ნიკოლაძემ „აჭარის“ ტელევიზიასთან საუბრისას განაცხადა.
„ძალიან ცუდ მდგომარეობაში იმყოფებიან. ყოველდღე სასწრაფო სამედიცინო დახმარება სჭირდებათ. ძალიან გვიმძიმს ეს ყველაფერი.
ამას ემატება ისიც, რომ ყოველდღე ტელევიზორში უყურებენ ვიღაცის უნიჭო ფანტაზიის შედევრებს. ეს ყველაფერი მოქმედებს მათზე და ამძიმებს მდგომარეობას“ – განაცხადა მირიან ნიკოლაძე.
ცნობისათვის, 4-დღიანი უწყვეტი საძიებო სამუშაოების შედეგად მყვინთავებმა ფეხბურთელ გიორგი შაქარაშვილის ცხედარი მდინარე არაგვში იპოვეს.
28 ივნისს გიორგი შაქარაშვილის საქმეზე ბრალდებულ 17 პირს აღკვეთის სახით პატიმრობა შეეფარდა. პროცესი დახურულ რეჟიმში მიმდინარეობდა, რადგან საქმეში ექვსი ბრალდებული არასრულწლოვანია.