“მურთაზ, 0238 იყო ბოლოში თუ 2222 რომელ ნომერზე დაგირეკე აღარ მახსოვს, ბათუმში ვიყავი (ანძების ამოღება შეიძლება). ცოტნეზე იქნებ რამე ქნათ, ხომ იცი იქ, ტყუილად ზის თქო. მიპასუხე: რაც კანონით ეკუთვნის, ის აქვს და შეღავათი არ ექნებაო.
მაგ თემაზე, შენ მაინც გაჩუმდი.”
აღნიშნული განცხადება, საქართველოს პირველი პრეზიდენტის ზვიად გამსახურდიას შვილმა, გიორგი გამსახურდიამ “ტვიტერზე” გამოაქვეყნა. რითაც გამოეხმაურა, “ნაციონალური მოძრაობის” პოლიტსაბჭოს წევრის მურთაზ ზოდელავას განცხადებას, სადაც ზოდელავა შაქარაშვილის საქმეზე საუბრისას პარალელს ცოტნე გამსახურდიას თავდასხმის საქმეზე ავლებს და აცხადებს, რომ გამსახურდიაზე თავდასხმა ხელისუფლების ,,გაბლატავებულმა“ ხალხმა ჩაიდინა.