“როიტერსის“ ინფორმაციით, საფრანგეთის პრემიერ-მინისტრი, ედუარ ფილიპი, თანამდებობიდან გადადგა.
სააგენტოს ცნობით, ედუარ ფილიპის განცხადება გადადგომის თაობაზე საფრანგეთის პრეზიდენტმა, ემანუელ მაკრონმა უკვე დაამტკიცა. თუმცა, მინისტრთა ახალი კაბინეტის დასახელებამდე ედუარ ფილიპი პრემიერ-მინისტრის მოვალეობას შეასრულებს.
ცნობისათვის, ემანუელ მაკრონმა ივნისში განაცხადა, რომ ქვეყანაში ცვლილებების განხორციელება სურდა.