“საზოგადოებისთვის რომ განვმარტო, თითო საათი 165 აშშ დოლარი ჯდება. თუ ეს ვინმეს ენანება ჩვენი ჯარისკაცებისთვის, რომლებიც მინდა, წავახალისო, მაშინ ეს მათ ნამუსზე იყოს.“
ირაკლი ღარიბაშვილი – თავდაცვის მინისტრი
ამის შესახებ ირაკლი ღარიბაშვილმა ტელეკომპანია „რუსთავი 2“-ის გადაცემაში განაცხადა.
როგორც ირაკლი ღარიბაშვილმა განმარტა, მან ცნობილ დიზაინერს, ზვიად ციკოლიას ჯარისთვის ბრენდირებული სასაჩუქრე საათების შექმნა სთხოვა, რომლებზეც გამოსახულია საქართველოს დროშა და წარწერა – თავდაცვის ძალები. მისივე თქმით, მსგავსი სახის საჩუქარი მიღებული ფორმაა ნებისმიერ ჯარში, მათ შორის ევროპის ქვეყნების თავდაცვის ძალებშიც.