“ქართული ოცნება“ რაც მალე გამოუშვებთ გიორგი რურუას, მით მალე დამთავრდება ის ჩიხი, რომელშიც თქვენი სურვილით შეხვედით. გამოუშვით რურუა, მივიღოთ საკონსტიტუციო ცვლილებები და მორჩება ეს ისტერია. მერე თუ გინდათ პოლიტკრიმინალები გვეძახეთ, გინდა აგენტები, გინდა ყაჩაღები. რაც მეტი არგუმენტი მოგყავთ ჩვენი გამოშვების გასამართლებლად, მით მეტად აღიზიანებთ თქვენს მხარდამჭერებს. არადა ორივე მხარემ მარტივად შეგვიძლია ვთქვათ: “რაც იყო, იყო.”
ირაკლი ოქრუაშვილი – „გამარჯვებული საქართველოს“ ლიდერი
აღნიშნული ოქრუაშვილმა ჟურნალისტებთან 8 მარტის პირობების სრულად შესრულებაზე საუბრისას განაცხადა.
შეგახსენებთ, რომ 8 მარტის ხელშეკრულების ერთი ნაწილი პილიტიკური მოტივით დაპატიმრებული ოპონენტების გათავისუფლებას ითვალისინებს. ოპოზიცია საკონსტიტუციო ცვლილებებს მხარს არ დაუჭერს, ვიდრე ირაკლი ოქრუაშვილისა და გიგი უგულავას შემდეგ გიორგი რურუასაც არ შეიწყალებენ.