ეკონომიკური საქმიანობის ჩამონათვალს, რომელიც საგანგებო მდგომარეობის მიუხედავად არ ჩერდება, სათარჯიმნო საქმიანობაც დაემატა.
„საქართველოში ახალი კორონავირუსის გავრცელების აღკვეთის მიზნით გასატარებელი ღონისძიებების დამტკიცების შესახებ“ მთავრობის 2020 წლის 23 მარტის №181 დადგენილებაში ცვლილებები შევიდა.
6 მაისს შეტანილ ცვლილებაში აღნიშნულია, რომ ჩამონათვალს დაემატება შემდეგი შინაარსის „შ“ ქვეპუნქტი:
„შ) გამოძიების, სისხლისსამართლებრივი დევნის, მართლმსაჯულების განხორციელების, სამართლებრივი დახმარების აღმოჩენისა და ექსტრადიციის განხორციელების, ადმინისტრაციული ორგანოს მიერ მასზე დაკისრებული ფუნქციების აღსრულების მიზნით სათარჯიმნო საქმიანობის განხორციელებისა;“.
ცვლილებები საკანონმდებლო მაცნეში დღეს, 6 მაისს გამოქვეყნდა.
დოკუმენტში აღნიშნულია, რომ დადგენილება ამოქმედდება გამოქვეყნებისთანავე და მისი მოქმედება გავრცელდება 2020 წლის 30 მარტიდან.