“პირდაპირ ითქვა, რომ ბიძინა ივანიშვილის მიმართ გატარებული უნდა ყოფილიყო ისეთივე ზომები, როგორიც ვთქვათ, ბადრი პატარკაციშვილის მიმართ. იმ ადამიანებისთვის, ვისაც ის პერიოდი არ ახსოვს, არ აქვს იმ პერიოდთან ემოციური კავშირი, ეს არის სახელმძღვანელო, თუ როგორ არ უნდა მართავდე ქვეყანას და როგორი ადამიანები არ შეიძლება იყვნენ ქვეყნის სათავეში. გარკვეულწილად, ამ ისტორიულ გაკვეთილს, ვფიქრობ, ყურადღება უნდა მიაქციონ ჩვენმა საერთაშორისო პარტნიორებმაც, რომლებსაც არ უნდა დარჩეთ ეჭვი იმ პოზიციაში და იმ სიმართლეში, რაც დღევანდელ ხელისუფლებას გააჩნია. ვფიქრობ, რომ ეს ინტერვიუ კიდევ ერთხელ არის გასაანალიზებელი იმ ადამიანების მიერ, ვინც დღეს მხარს უჭერს „ნაციონალურ მოძრაობას“ და მხარს უჭერს მიშა სააკაშვილს კლასტერს.”
გია ვოლსკი – პარლამენტის თავმჯდომარის პირველი მოადგილე
შს ყოფილი მინისტრის, ვანო მერაბიშვილის გუშინდელ ინტერვიუს გამოეხმაურა.
ცნობისთვის, ვანო მერავიშვილმა „მთავარი აქცენტები“ სტუმრობისას წინა ხელისუფლების მმართველობაზე ისაუბრა. მერაბიშვილმა ისიც აღნიშნა, რომ ე.წ. ციხის კადრების ნაწილი დადგმული იყო და მას ამასტან კავშირი არ ჰქონია.