სამოქალაქო ავიაციის სააგენტო განცხადებას ავრცელებს, რომლის თანამხადაც, საჰაერო მიმოსვლაზე შეზღუდვები 22 მაისის ჩათვლით გახანგრძლივდა.
სააგენტოს ინფორმაციით, რეგულარული საჰაერო მიმოსვლის აღდგენის შესახებ გადაწყვეტილება მიირება მსოფლიოში და საქართველოში შექმნილი ეპიდსიტუაციიდან გამომდინარე, ჯანდაცვის უწყებების რეკომენდაციების გათვალისწინებით.
ამასთან, სააგენტო მოქალაქეებს მოუწოდებს, ვიდრე რეგულარული საჰაერო მიმოსვლის აღდგენის თარიღის შესახებ ცნობილი არ გახდება, თავი შეიკავონ ამა თუ იმ მიმართულებით ბილეთების შეძენისაგან.
“გაცნობებთ, რომ რეგულარული საჰაერო მიმოსვლის განხორციელებაზე დაწესებული შეზღუდვა გახანგრძლივდა და მოქმედებს 2020 წლის 22 მაისის ჩათვლით (22.05.20). აღნიშნულის შესახებ, სამოქალაქო ავიაციის სააგენტომ უკვე აცნობა ავიაკომპანიებს, რომლებიც რეგულარულ რეისებს ახორციელებდნენ საქართველოს მიმართულებით.
რეგულარული საჰაერო მიმოსვლის აღდგენის შესახებ გადაწყვეტილება მიღებული იქნება მსოფლიოში და საქართველოში შექმნილი ეპიდსიტუაციიდან გამომდინარე, ჯანდაცვის უწყებების რეკომენდაციების გათვალისწინებით. შექმნილი ვითარებიდან გამომდინარე, მოქალაქეებს მოვუწოდებთ, თავი შეიკავონ ამა თუ იმ მიმართულებით ბილეთების შეძენისაგან, სანამ რეგულარული საჰაერო მიმოსვლის აღდგენის თარიღის შესახებ ცნობილი არ გახდება ოფიციალური წყაროების მეშვეობით. #დარჩისახლში #StopCov,”-აღნიშნულია განცხადებაში.