წმინდა ცეცხლი სპეციალური რეისით ჩამოიტანეს და უკვე საქართველოშია. თბილისის საერთაშორისო აეროპორტში, „საქართველოს ავიახაზების“ თვითმფრინავი რამდენიმე წუთის წინ დაეშვა.
იერუსალიმიდან წმინდა ცეცხლი თელავივის აეროპორტში საქართველოს ელჩმა ისრაელში ლაშა ჟვანიამ მიიტანა და სასულიერო პირებს გადასცა.
წმინდა ცეცხლს აეროპორტიდან ყოვლადწმინდა სამების საკათედრო ტაძარში მიაბრძანებენ, სადაც სააღდგომო ლიტურგია მიმდინარეობს.