ქუთაისის მერი გიორგი ჭიღვარია თანამდებობას ტოვებს და პოლიტიკიდან მიდის.
ამის შესახებ ინფორმაცია გიორგი ჭიღვარიამ სოციალურ ქსელ “ფეისბუქში” გაავრცელა.
გიორგი ჭიღვარია თანამდებობის წასვლის მიზეზს არ ასახელებს და ის მის ამომრჩეველს მადლობას უხდის.
“2017 წლის ნოემბერში, ქუთაისელების დიდი ნაწილის გადაწყვეტილებით, მე წილად მხვდა პატივი გავმხდარიყავი ქუთაისის არჩეული მერი. ეს იყო როგორც უდიდესი ნდობა, ამასთანავე უზარმაზარი პასუხისმგებლობაც. იმ დღიდან დღემდე, მე და ჩემმა გუნდმა, ქალაქში მრავალი მნიშვნელოვანი პროექტი დავიწყეთ და დავასრულეთ, ბევრ მათგანზე ამ რთულ დღეებშიც კი არ შეჩერებულა მუშაობა. მიუხედავად იმისა, რომ ჩემი საარჩევნო ვადა ჯერ არ ამოწურულა, მივიღე გადაწყვეტილება, დავტოვო ქუთაისის მერის თანამდებობა და წავიდე პოლიტიკიდან. თუმცა, მე არ მივდივარ ჩემი ქალაქიდან და ყოველთვის მისი გულშემატკივარი ვიქნები. მინდა მადლობა ვუთხრა ჩემს თანაქალაქელებს გამოცხადებული ნდობისთვის, ჩემს გუნდს – გვერდით დგომისთვის, მედიას- თანამშრომლობისთვის. მშვიდობას და წარმატებას ვუსურვებ ჩემს ქალაქს!”, -წერს ჭიღვარია.
გიორგი ჭიღვარიას მიერ მერის თანამდებობის შესახებ ინფორმაცია გუშინ გავრცელდა. მას ქუთაისის მერის პოსტი 2017 წლიდან ეკავა.