საქართველოში ახალი კორონავირუსის კიდევ სამი შემთხვევა გამოვლინდა – ამის შესახებ ინფორმაცია მთავრობის მიერ შექმნილ ოფიციალურ ვებგვერდზე, stopcov.ge-ზეა გამოქვეყნებული.
ამჟამად საქართველოში კორონავირუსით ჯამში 47 ადამიანია დაინფიცირებული. დადასტურებული შემთხვევებიდან გამოჯანმრთელებულია ერთი პაციენტი.
ვებგვერდზე გამოქვეყნებული მონაცემების მიხედვით, ქვეყანაში კარანტინის რეჟიმში 1966 ადამიანი იმყოფება, სტაციონარში მეთვალყურეობის ქვეშ კი – 259.
“ჩვენი პროგნოზი, რომ 19 მარტისთვის იქნებოდა 41 დაინფიცირებული გამართლდა”, – შეგახსენებთ, ეს განცხადება ამირან გამყრელიძემ გუშინ გააკეთა.