კორონავირუსის გავრცელების პრევენციის ფარგლებში, წმინდა სინოდის გენერალური სამდივნოს გადაწყვეტილებით, ეკლესიებში პირადი ლოცვების გარდა ყველა რელიგიური მსახურებისა და წესების შესრულება შეწყდება.
აღნიშნულ განცხადებას კონსტანტინოპოლის მსოფლიო საპატრიარქო აქვეყნებს, სადაც საუბარია სხვადასხვა სახის რეკომენდაციაზეც.
მსოფლიო საპატრიარქოს ინფორმაციით, შეზრუდვები გაგრძელდება მარტის ბოლომდე, თუმცა საჭიროების შემთხვევაში შესაძლოა ეს პერიოდი უფრო გახანგრძლივდეს.
მსოფლიო საპატრიარქოს აუცილებელ საჭიროებად მიაჩნია შესაბამის ზომების შესრულება, რასაც ჯანდაცვის დარგის წარმომადგენლები ითხოვენ.
აღნიშნული განცხადების ქართული თარგმანი პავლე მოციქულის სახელობის მართლმადიდებლური ღვთისმეტყველების ცენტრმა გამოაქვეყნა, რომელსაც უცვლელად გთავაზობთ.
„რადგან მსოფლიოში გრძელდება კორონავირუსთან დაკავშირებული კრიზისი, მსოფლიო საპატრიარქო თვალყურს ადევნებს მდგომარეობას თავისი უმაღლესი პასუხისმგებლობის განცდით მორწმუნეთა და განურჩევლად ყველა ადამიანის წინაშე და 11 მარტის გადაწყვეტილების შემდეგ ქალაქში მყოფ იერარქთა შეკრებისას დამატებით აცხდებს:
1. მსოფლიო საპატრიარქო ყველას გასაგონად იმეორებს, შეამცირონ სახლიდან გამოსვლა და გარეთ მოძრაობა, დარჩნენ სახლში, მათივე უსაფრთხოებისა და სხვა ადამიანების დაცვისათვის.
2. აქებს იმ ადამიანების თავგანწირვის სულს, რომლებიც იღვწიან ჯანდაცვის სფეროში და გამოხატავს პატივისცემას მათ მიმართ, რომლებიც ზეადამიანური შრომითა და მცდელობებით ეხმარებიან დაავადებულ თანამოქალაქეებს, მიუხედავად იმ საფრთხისა, რომელსაც Covid 19 წარმოდგენს მათთვის.
3. ხაზს უსვამს იმ საჭირო ზომების შესრულების აუცილებლობას, რასაც შესაბამისი პასუხიმგებელობის მქონე ჯანდაცვის დარგის წარმომადგენლები ითხოვენ.
4. მსოფლიო საპატრიარქოს ზოგიერთი ეპარქიაში უკვე მიღებული გადაწყვეტილებების ფონზე, დღეს აცხადებს საეკლესიო გადაწყვეტილებას, მარტის ბოლომდე შეწყდეს ყველა რელიგიური მსახურებისა და წესების შესრულება, გარდა პირადი ლოცვებისა ეკლესიებში, რომლებიც რჩება ღია. ეს შეზღუდვები გადაიხედება მოგვიანებით, პანდემიის გავრცელებისა შესაბამისად.
5. საპატრიარქო და სტავროპიგიალურ მონასტრებში გაგრძელდება რეგულარული მსახურებები სასულიერო პირთა და საძმოს მონაწილეობით, მაგრამ არ იქნებიან დაშვებული მომლოცველები და ვიზიტორები.
6. იგივე წესით, მსოფლიო საპატრიარქოს ადმინისტრაცია დარჩება დაკეტილი მომდევნო სიახლეებამდე, მაგრამ მსოფლიო პატრიარქი და საპატრიარქო რეზიდენციის სასულიერო დასი განარგძობს საღმრთო მსახურებებს და ამ მძიმე განსაცდელის ჟამს ილოცებს მთელი მსოფლიოსათვის“ – წერია მსოფლიო საპატრიარქოს განცხადებაში.