ქუთაისის ინფექციურ საავადმყოფოში ამ დროისთვის ვირუსის სიმპტომით 12 პაციენტი იმყოფება. მათგან ხუთს კორონავირუსი არ დაუდასტურდა.
სხვა პაციენტების ანალიზების პასუხებს კი დღეს ელოდებიან. მათ შორის არის ორი მოქალაქე, რომლებიც იტალიიდან ჩამოვიდნენ და წყალტუბოში იზოლაციაში იმყოფებოდნენ.
ქუთაისის კლინიკა “ლჯ და კომპანია – ფილტვის და ინფექციურ პათოლოგიათა ცენტრის” მთავარი ექიმის თემურ ნადირაძე თქმით, ყველა მათგანს ვირუსისთვის დამახასიათებელი სიმპტომი აღენიშნება და მკურნალობას ბოქსირებულ პალატაში გადიან.
პაციენტების ნაწილს მოგზაურობის ისტორია აქვს, ნაწილს კი შემხებლობა საზღვარგარეთ მყოფ მოქალაქეებთან.