საქართველოს პრემიერ მინისტრის, გიორგი გახარიას განცხადებით, შინაგან საქმეთა ყოფილი მინისტრი და ასევე, ყოფილი პრემიერ მინისტრი ვანო მერაბიშვილი არ იყო პოლიტიკური პატიმარი.
შეკითხვაზე, იყო თუ არა პოლიტპატიმარი მერაბიშვილი, გახარიამ აღნიშნა:
„რა თქმა უნდა, ვანო მერაბიშვილი არ იყო და ვერ იქნებოდა პოლიტიკური პატიმარი“.
შეგახსენებთ, მერაბიშვილმა 7-წლიანი პატიმრობის შემდეგ ე.წ. მატროსოვის ციხე გუშინ, 20 თებერვალს დატოვა.