ახალი ამბები კრიმინალი მთავარი სამართალი

დანით მიყენებული სასიკვდილო ჭრილობა: ასპინძაში, მკვლელობისთვის სასამართლომ ვერდიქტი გამოიტანა

ახალციხის რაიონულმა სასამართლომ სრულად გაიზიარა პროკურატურის მიერ წარდგენილი მტკიცებულებები და განზრახ მკვლელობის ჩადენის ფაქტზე ბრალდებული ბ.გ. დამნაშავედ ცნო.

სასამართლოში წარდგენილი მტკიცებულებების მიხედვით, 2019 წლის 15 ივლისს, დაახლოებით 21:00 საათზე, დაბა ასპინძაში, ალკოჰოლური თრობის ქვეშ მყოფმა ბ.გ.-მ ურთიერთშელაპარაკების ნიადაგზე, განზრახ მოკვლის მიზნით, ბ.მ.-ს დანით სხეულის სხვადასხვა არეში ჭრილობები მიაყენა. მიღებული დაზიანებების შედეგად ბ.მ. ადგილზე გარდაიცვალა.

სამართალდამცველებმა ბ.გ. იმავე დღეს დაბა ასპინძაში დააკავეს. მას ბრალდება სისხლის სამართლის კოდექსის 108-ე მუხლით (განზრახ მკვლელობა) წარედგინა და აღკვეთის ღონისძიების სახით პატიმრობა შეეფარდა.

ახალციხის რაიონულმა სასამართლომ ბ.გ. სრულად ცნო დამნაშავედ წარდგენილ ბრალდებაში და სასჯელის სახედ და ზომად 8 წლით თავისუფლების აღკვეთა განუსაზღვრა.

ავიაბილეთები იაფად
იტვირთბა....