ხორავას ქუჩაზე სისხლიანი გარჩევის დროს მოკლული დავით სარალიძის საქმეზე, დაკავებულ ბრალდებულ მიხეილ კალანდიას სასამართლო პროცესზე მირზა სუბელიანის შვილს, ა.ს-ს კითხავენ.
სუბელიანი სასამართლოში მოწმის სახით იკითხება. მიუხედავად იმისა, რომ ის არასრულწლოვანია და სხდომა დახურულ რეჟიმში უნდა წარმართულიყო, მან აღნიშნულთან დაკავშირებით უარი განაცხადა.
„მსურს სხდომა ღია იყოს, რადგან ეს საჭიროა”, – განაცხადა სუბელიანმა.
ა. ს. ბრალდებულ მიხეილ კალანდიას დეიდაშვილია.