ოკუპირებული აფხაზეთის ე.წ. პრეზიდენტი რაულ ხაჯიმბა თანამდებობას ტოვებს. აღნიშნულ ინფორმაციას გამოცემა TASS-ი ოკუპირებული აფხაზეთის ყოფილ ე.წ. პრემიერ მინისტრზე, სერგეი შამბაზე დაყრდნობით ავრცელებს.
TASS- ს ინფორმაციას აფხაზეთის ე.წ. ვიცე პრეზიდენტიც უდასტურებს.
”იმისათვის, რომ სისხლი არ დაიღვაროს და სტაბილურობა შენარჩუნდეს, მან ხელი მოაწერა გადადგომის დოკუმენტს”, – განაცხადა ასლან ბარციცმა.
მანამდე, ოკუპირებული აფხაზეთის ე.წ. პრეზიდენტი ოპოზიციის წარმომადგენლებს შეხვდა.
შეგახსენებთ, ოკუპირებული აფხაზეთის დე ფაქტო პრეზიდენტის გადადგომას 9 იანვრიდან ითხოვდნენ.