„მმართველმა გუნდმა მოიტანა წინადადება, რომელიც არის აბსოლუტურად მიუღებელი და არ მესმის ამ წინადადების მოტანის აზრი თუ არა რაღაცნაირად ჩვენი მედიატორების თვალში გამოჩენა რომ „მზად ვართ კომპრომისისთვის… ასეთი არასერიოზულობა მე არ მინახავს. ეს წინადადება აჩვენებს როგორ წვალობენ“
გრიგოლ ვაშაძე – “ნაციონალური მოძრაობის” ერთ-ერთი ლიდერი
ვაშაძე აღნიშნული განცხადებით საარჩევნო სისტემასთან დაკავშირებით “ქართული ოცნების” ახალ ინიციატივას გამოეხმაურა.
შეგახსენებთ, მმართველმა პოლიტიკურმა პარტიამ დღეს ოპოზიციურ პარტიებს ახალი ინიციატივით მიმართა. ინიციატივის მიხედვით, შემდეგი არჩევნები უნდა ჩატარდეს შერეული საარჩევნო სისტემით, რომელშიც 100 დეპუტატს პროპორციული წესით, 50-ს კი მაჟორიტარული წესით აირჩევენ.