საქართველოს თავდაცვის მინისტრისთვის, ირაკლი ღარიბაშვილისთვის კატეგორიულად მიღებელია საქართველოს პრეზიდენტის, სალომე ზურაბიშვილი განცხადება.
დიდება ჩვენს სამხედროებს – ასე ეხმაურება ღარიბაშვილი პრეზიდენტის განცხადებას, სადაც ის საუბრობს რომ ქვეყანას არც ჯარი ჰყავს და არც შეიარაღება.
“გუშინ გავეცანით საქართველოს პრეზიდენტის განცხადებას, ჯართან მიმართებაში, რომელიც არის აბსოლუტურად და კატეგორიულად მიუღებელი. ქართული ჯარი არის ძლიერი და ჩვენ გვყავს გმირი სამხედროები. აი ეს მინდა ვუთხრა საქართველოს პრეზიდენტს. მიუღებელია საქართველოს მთავარსარდლის მხრიდან მსგავსი შინაარსის განცხადების გაკეთება. მე არ ვიცი რას გულისხმობდა საქართველოს პრეზიდენტი და ალბათ საჭიროებს მისი ეს განცხადება მეტ კონკრეტიკას და განმარტებას, მაგრამ ჩემი მხრიდან როგორც თავდაცვის მინისტრის პოზიციიდან, მინდა შემდგები განვაცხადო, რომ ჩვემ გვყავს გმირი სამხედროები, დიდება ჩვენს სამხედროებს. მე როგორც თავდაცვის მინისტრი გავაკეთებ ყველაფერს, რომ ჩვენი ჯარი კიდევ უფრო გაძლიერდეს” – განაცხადა თავდაცვის მინისტრმა ირაკლი ღარიბაშვილმა.
შეგახსენებთ, გუშინ საქართველოს პრეზიდენტმა სალომე ზურაბიშვილმა განაცხადა, რომ საქართველოს არც ჯარი ჰყავს და არც შეიარაღება.