aviabiletebi
ახალი ამბები მთავარი საზოგადოება

“ზურაბიშვილმა მისი განცხადებების გამო ბოდიში უნდა მოიხადოს” – ელისაშვილი

aviabiletebi
ავიაბილეთები

ალეკო ელისაშვილი საქართველოს პრეზიდენტ სალომე ზურაბიშვილისგან გაკეთებული განცხადებების გამო ბოდიშის მოხდას ითხოვს. ამის შესახებ ინფორმაციას “სამოქალაქო მოძრაობის” პრესსამსახური ავრცელებს.

ალეკო ელისაშვილის თქმით, სალომე ზურაბიშვილის განცხადებები „აბუჩად ამგდები და დამცინავია“

“მე და ჩვენ “სამოქალაქო მოძრაობა” მოვითხოვთ, რომ თანამდებობით პრეზიდენტმა და შეიარაღებული ძალების უმაღლესმა მთავარსარდალმა სალომე ზურაბიშვილმა, სინამდვილეში კი ამ ქვეყნის უზარმაზარმა სირცხვილმა, საჯაროდ მოიხადოს ბოდიში ქვეყნისა და საქართველოს შეიარაღებული ძალების წინაშე. საქართველოს შეიარაღებული ძალების უმაღლესი მთავარსარდალი სალომე ზურაბიშვილი ამბობს, რომ საქართველოს არ ჰყავს ჯარი, არ აქვს შეიარაღება და არ გააჩნია არანაირი პერსპექტივა. ის ფაქტი, რომ ასეთი მაღალი თანამდებობის პირი, რომელსაც ექვემდებარება საქართველოს შეიარაღებული ძალები, სადაც მსახურობს ათასობით ადამიანი, მათ შორის საერთაშორისო მისიებში და ავღანეთში, სადაც ჩვენი ბიჭები ტყვიას შუბლს უშვერენ, იმყოფებიან გაშმაგებული ადამიანების გარემოცვაში და არ არიან დაზღვეულები იმისაგან, რომ საღსალამათები დაბრუნდებიან და ეს ადამიანი ამბობს, რომ ჯარი არ გვყავს და სამხედრო პერსპექტივა არ გვაქვს. სალომე ზურაბიშვილმა ბოდიში უნდა მოიხადოს ყველა ჯარისკაცის, სერჟანტის, ოფიცრისა და იმ ადამიანების წინაშე ვისაც საქართველოს არმიის სამხრეები აქვს და აცვია ფორმა. ბოდიში მოუხადოს საქართველოს თითოეულ მოქალაქეს ამ აბუჩად ამგდები და დამცინავი განცხადების გამო. ეს არის ჩვენი კატეგორიული მოთხოვნა”,-აცხადებს ალეკო ელისაშვილი.

შეგახსენებთ, რომ გუშინ საქართველოს პრეზიდენტმა სალომე ზურაბიშვილმა განაცხადა, რომ საქართველოს არც ჯარი ჰყავს და არც შეიარაღება.

იტვირთბა....