დიდ დიღომში, ფრაქცია „ქართული ოცნების“ თავმჯდომარის, დეპუტატ მამუკა მდინარაძის მაჟორიტარული ბიუროს ოფისთან სიტყვიერი და ფიზიკური დაპირისპირება მოხდა.
„ევროპული საქართველოს“ წევრები და მათი მხარდამჭერები მაჟორიტარული ბიუროს ოფისის კარზე ბოქლომის დადებას ცდილობდნენ.
აღნიშნულის საშუალება კი, მათ პოლიციამ და ადგილზე შეკრებილმა მმართველი გუნდის მხარდამჭერებმა არ მისცეს.
სიტყვიერი და ფიზიკური დაპირისპირება სწორედ ამას მოჰყვა.
ვითარება სამართალდამცველების ჩარევის შემდეგ განიმუხტა.