"ვისაც ერთი ადგილი აქვს, ვიწყებთ პარლამენტის პიკეტირებას" - Metronome.Ge
მთავარი ციტატა

“ვისაც ერთი ადგილი აქვს, ვიწყებთ პარლამენტის პიკეტირებას”

“ქართული ოცნების” ნაკერავზე გახევის პროცესი კიდევ უფრო სასიამოვნო იქნება. არსად არ ვიშლებით – ვისაც ერთი ადგილი აქვს, ვიწყებთ პარლამენტის პიკეტირებას იმიტომ, რომ ამ ორგანომ დაკარგა მთლიანად ლეგიტიმაცია”

გრიგოლ ვაშაძე – “ერთიანი ნაციონალური მოძრაობის” ერთ-ერთი ლიდერი

აღნიშნული განცხადება ვაშაძემ რუსთაველის გამზირზე, პარლამენტის შენობის წინ მიმდინარე აქციაზე სიტყვით გამოსვლისას გააკეთა.

შეგახსენებთ, რომ ამ წუთებში დედაქალაქის მთავარ გამზირზე გაერთიანებული ოპოზიცია, ლოზუნგით – “ერთად ერთის წინააღმდეგ” საპროტესტო აქციას მართავს. პარლამენტის შენობამდე სხვადასხვა ოპოზიციური პარტიების ლიდერები და მათი მხარდამჭერები მსვლელობით მივიდნენ.

რუსთაველის გამზირზე შეკრებილების მთავარი მოთხოვნა პროპორციული სისტემით რიგგარეშე არჩევნების ჩატარებაა.

საპროტესტო აქციები მას შემდეგ დაიგეგმა, რაც პარლამენტმა პროპორციულ საარჩევნო სისტემაზე გადასვლასთან დაკავშირებული საკონსტიტუციო ცვლილება ჩააგდო.

აღსანიშნავია, რომ 2020 წლის საპარლამენტო არჩევნების პროპორციული სისტემით ჩატარების დაპირება პარტია “ქართული ოცნება – დემოკრატიული მოძრაობის” თავმჯდომარემ, ბიძინა ივანიშვილმა ე.წ. გავრილოვის ღამის მოვლენების შემდეგ გააკეთა.

ამავე თემაზე
იტვირთბა....